الثلاثاء، 24 يوليو 2018

نصائح قبل شراء أيفون مستعمل

شارك
buy-used-iphone
دا اهم الحاجات الى لازم تاخد بالك منها قبل ما تشترى ايفون مستعمل
و دا ينقسم  ٤ جزئيات



1- الشكل العام للتلفون 📱
  • تمسك التلفون تشوف الشاشة فيها خدوش و اللفون فى خبطات ولا لا .
  •  نضغط على اطراف الشاشة من كل الجوانب لو انضغطت من اى جنب او حسيت انها بتدخل لجوا يبقي التلفون مفتوح
  •  تبص على المسامير من تحت لو متخربشه او طالعه شويه او عليها اثر صدأ يبقي مفتوح بردو
  •  نجرب كل الزراير ( الباور والهوم وزراير الصوت والصامت )

 بعد ما نتاكد ان كل الي فوق تمام نبص بقي علي السريال الي فى اعدادات التلفون نفسو كالتالى
settings >general >about> serial number 
 ونقارنه باللى على علبة الموبايل ولازم يكونوا متطابقين

2- نجرب بقي التلفون نفسو عشان نتاكد من ان كل حاجة شغالة فيه تمام


  •  نفتح الفون ونعمل اعادة ضبط للاعدادات كلها
 Settings > general > reset > reset all settings
  •  ندخل نعمل بصمة جديده ونشوف البصمة شغالة ولا لا ونتأكد انها شغالة كويس
  •  نسجل ريكورد صوت . ونتاكد ان الصوت طالع فيه
  •  نسجل فيديو بالكاميرا الخلفيه . ونتاكدبردو ان الصوت شغال فيه
  •  نسجل فيديو بالكاميرا الاماميه . ونتاكد ان الصوت شغال فيه
  •  نجرب الواى فاى وتتاكد انه شغال
  •  نجرب شريحتين فى الفون ويكون كل شريحه شبكة مختلفه
  •  نعمل مكالمه ونتاكد ان سماعة المكالمات شغاله والسينسور ال بيطفي الشاشه لما تحط الفون ع ودنك اثناء المكالمه شغال
  •  نعلى اضاءة الشاشة على الآخر ونتأكد ان الالوان مظبوطه ومش باهته
3- البطارية بقي 🔋
  • نشوف البطارية كام فى ال% نفتح الكاميرا ونضعط ع زرار التصوير ، ونفضل دايسين عليه هنلاقي فى عداد بدأ يعد صور طول ما احنا دايسين ،، هنفضل دايسين لحد ما العداد يوصل ل١٠٠٠ صوره. بعد كدا نسيب ونخرج بره الكاميرا نشوف البطاريه نزلت كام فى ال%  لو نزلت من ٣ ل٤ %‏ يبقي البطاريه كويسه .. لو نزلت ٥ او اكتر يبقي مش اد كدا 
4- تجربة الملحقات 🔌💡
(الشاحن -السماعة) و نتاكد انهم شغالين كويس



لو كل الي فوق دا تمام  يبقي فاضل اهم حاجة صاحب التلفون يشيل اكونت الايكلاود بتاعه من الحساب ودى اهم حاجه ف الموضوع كله بعدها نفرمت الموبايل كالتالى
 Settings >> general >>reset >> erase all content and settings
و كدة نقول مبروك عليك التلفون 📱

لمزيد من المعلومات عن الايفون يمكنكم زيارة مستخدمى الأيفون iphone users

كتب بواسطة

. حسن مصطفى بدايتى فى التعامل مع الانترنت منذ 10 سنوات وبدأت فى مجال التدوين من 2011 وفى هذه المدونة اتعلم وانقل لكم كل ما اجده مفيد لكل شخص يهتم بعالم جوجل والمدونات

0 التعليقات:

إرسال تعليق

© 2013 عالم جوجل. جميع الحقوق محفوظة. تصميم Templateism - تعريب وتطوير برامج توب